ΚΑΤΑ ΛΟΥΚΑΝ 9:46-61

SBL Greek New Testament

⁴⁶ Εἰσῆλθεν δὲ διαλογισμὸς ἐν αὐτοῖς, τὸ τίς ἂν εἴη μείζων αὐτῶν. ⁴⁷ ὁ δὲ Ἰησοῦς ^[a]εἰδὼς τὸν διαλογισμὸν τῆς καρδίας αὐτῶν ἐπιλαβόμενος ^[b]παιδίον ἔστησεν αὐτὸ παρ’ ἑαυτῷ, ⁴⁸ καὶ εἶπεν αὐτοῖς· Ὃς ^[c]ἂν δέξηται τοῦτο τὸ παιδίον ἐπὶ τῷ ὀνόματί μου ἐμὲ δέχεται, καὶ ὃς ^[d]ἂν ἐμὲ δέξηται δέχεται τὸν ἀποστείλαντά με· ὁ γὰρ μικρότερος ἐν πᾶσιν ὑμῖν ὑπάρχων οὗτός ^[e]ἐστιν μέγας.

⁴⁹ Ἀποκριθεὶς ^[f]δὲ Ἰωάννης εἶπεν· Ἐπιστάτα, εἴδομέν τινα ^[g]ἐν τῷ ὀνόματί σου ἐκβάλλοντα δαιμόνια, καὶ ^[h]ἐκωλύομεν αὐτὸν ὅτι οὐκ ἀκολουθεῖ μεθ’ ἡμῶν. ^50 [i]εἶπεν δὲ πρὸς αὐτὸν ^[j]ὁ Ἰησοῦς· Μὴ κωλύετε, ὃς γὰρ οὐκ ἔστιν καθ’ ^[k]ὑμῶν ὑπὲρ ὑμῶν ἐστιν.

⁵¹ Ἐγένετο δὲ ἐν τῷ συμπληροῦσθαι τὰς ἡμέρας τῆς ἀναλήμψεως αὐτοῦ καὶ αὐτὸς τὸ ^[l]πρόσωπον ^[m]ἐστήρισεν τοῦ πορεύεσθαι εἰς Ἰερουσαλήμ, ⁵² καὶ ἀπέστειλεν ἀγγέλους πρὸ προσώπου αὐτοῦ. καὶ πορευθέντες εἰσῆλθον εἰς κώμην Σαμαριτῶν, ^[n]ὡς ἑτοιμάσαι αὐτῷ· ⁵³ καὶ οὐκ ἐδέξαντο αὐτόν, ὅτι τὸ πρόσωπον αὐτοῦ ἦν πορευόμενον εἰς Ἰερουσαλήμ. ⁵⁴ ἰδόντες δὲ οἱ ^[o]μαθηταὶ Ἰάκωβος καὶ Ἰωάννης εἶπαν· Κύριε, θέλεις εἴπωμεν πῦρ καταβῆναι ἀπὸ τοῦ οὐρανοῦ καὶ ἀναλῶσαι ^[p]αὐτούς; ⁵⁵ στραφεὶς δὲ ἐπετίμησεν ^[q]αὐτοῖς. ^56 [r]καὶ ἐπορεύθησαν εἰς ἑτέραν κώμην.

^57 [s]Καὶ πορευομένων αὐτῶν ἐν τῇ ὁδῷ εἶπέν τις πρὸς αὐτόν· Ἀκολουθήσω σοι ὅπου ^[t]ἐὰν ^[u]ἀπέρχῃ. ⁵⁸ καὶ εἶπεν αὐτῷ ὁ Ἰησοῦς· Αἱ ἀλώπεκες φωλεοὺς ἔχουσιν καὶ τὰ πετεινὰ τοῦ οὐρανοῦ κατασκηνώσεις, ὁ δὲ υἱὸς τοῦ ἀνθρώπου οὐκ ἔχει ποῦ τὴν κεφαλὴν κλίνῃ. ⁵⁹ εἶπεν δὲ πρὸς ἕτερον· Ἀκολούθει μοι. ὁ δὲ εἶπεν· ^[v]Κύριε, ἐπίτρεψόν μοι ^[w]ἀπελθόντι πρῶτον θάψαι τὸν πατέρα μου. ⁶⁰ εἶπεν δὲ ^[x]αὐτῷ· Ἄφες τοὺς νεκροὺς θάψαι τοὺς ἑαυτῶν νεκρούς, σὺ δὲ ἀπελθὼν διάγγελλε τὴν βασιλείαν τοῦ θεοῦ. ⁶¹ εἶπεν δὲ καὶ ἕτερος· Ἀκολουθήσω σοι, κύριε· πρῶτον δὲ ἐπίτρεψόν μοι ἀποτάξασθαι τοῖς εἰς τὸν οἶκόν μου.